අමරපුර කල්‍යාණී වංශ නිකායේ මහානාහිමි දොඩම්පහළ චන්ද්‍රසිරි හිමි එතෙර සිට ශ්‍රී ලංකාවට වැඩම කරන තුරු කොටපොළ අමරකිත්ති හිමියන් සේරුවිල මංගල රජමහාවිහාරයේ තාවකාලික විහාරාධිපති පදවියට පත් කිරීමට සේරුවිලට රැස් වූ අමරපුර කල්‍යාණී වංශ නිකායේ කාරක සංඝ සභාව අද (08) තීරණය කළේය. පළමුව සේරුවිල සරණකිත්ති හිමියන්ගේ ශිෂ්‍ය හිමිවරුන්ගෙන් විමසා ඒකමතිකව ලැබුණු තීරණය අනූව සංඝ සභාව මෙම තීරණය ගෙන ඇත.
සේරුවිල විහාරාධිපතිව වැඩ විසූ සරණකිත්ති හිමියන්ගේ අපවත් වීමෙන් මෙම පුරප්පාඩුව ඇති විය.
සේරුවිල රජමහා විහාරයේ ප්‍රතිසංස්කරණ හා ආගමික කටයුතු වලට වසර කිහිපයක් තිස්සේ දායක වූ මහමෙවුනා අසපු හිමිවරු අද සේරුවිල සියමෙහෙවර හමාර කර යළි මහමෙවුනාව කරා වැඩම කළහ.
