කාලයක සිට විරසකව සිටින බොලිවුඩ් සිනමා නිළි යුවළක වන සෝනම් කපූර් හා කරීනා කපූර් ඛාන් පසුගියදා යළිත් සිය මිතුදම අලුත් කරගෙන තිබෙන බව 'ලයිෆ් ඔෆ් බොලිවුඩ්' වෙබ් අඩවිය සඳහන් කර සිටියි. එය සඳහන් කරන අන්දමට සෝනම් යළි කරීනා සමග මිතුරු වී ඇත්තේ ඉදිරියේදී තිරගතවීමට නියමිත 'උද්තා පන්ජාබ්' චිත්‍රපටයේ කරීනා ඉදිරිපත් කරන රංගනයට සෝනම් සිය ඉන්ස්ටග්‍රෑම් ගිණුම හරහා ඇයට සුබපතා යැවූ කෙටි පණිවිඩයෙන් බව සඳහන්.
මෙම මිතුදම අලුත්වීමත් සමග ජනප්‍රිය බොලිවුඩ් නිෂ්පාදකවරු කිහිපදෙනෙකුම ඉදිරියේදී නිර්මාණ වන සිය චිත්‍රපට සඳහා කරීනා හා සෝනම් දෙදෙනා එක් කර ගැනීමට නොඉවසිල්ලෙන් පසුවෙන බව වාර්තා වෙනවා. මේ අතර තවත් මාස කිහිපයකින් රූගත කිරීම් කටයුතු ආරම්භ කිරීමට නියමිත අලුත්ම බොලිවුඩ් චිත්‍රටයෙහි ප්‍රධාන චරිත සඳහා එක්තරා චිත්‍රපට සමාගමක් විසින් මොවුන් දෙදෙනා තෝරා ගෙන ඇති බව එහි වැඩිදුරටත් සඳහන්.
