කැකිරාවේ රේල්වේටවුන්හි සිටි මොහොමඩ් සියාන් සිහාබ්දීන් (32) සෞදි අරාබියේ යන්බෝ වරාය නගරයේ වීදුරු කපන්නකුගේ මරණය පිළිබඳව සෞදි ආරක්ෂක අංශ යේමන ජාතිකයෙකු අත් අඩංගුවට ගෙන ඇතත් ඔවුන් අතර කිසිදු ආකාරයක විරසකයක් හෝ බහින්බස් වීමක් සිදුවී නැති බව කියති .
මධ්‍යම රාත්‍රියේ දී සිදුව ඇති පවසන මෙම මරණය පිහි ඇනුමකින් සිදුවී ඇති බවට සාක්කි ඇති අතර ඒ පිලිබදව දිගින් ගිගටම යේමන ජාතිකයාගෙන් සෞදි ආරක්ෂක අංශ ප්‍රශ්න කරමින් සිටි. මියගිය මොහොමඩ් සියාන් මෙම ආයතනයේ වසර හයක් කාලයක් රකියාවක් කරමින් සිටියේය. ඔහුගේ තෙවැනි නිවාඩුවට මවුබිමට ගොස් ආපසු පැමිණ ඇත්තේ මිට මාස හයකට කලින් බවද පැවසේ
මෙම මරණය පිළිබවද ජෙඩා කොන්සියුලර් කාර්යාලයේ වැඩ බලන කොන්සියුලර ජනරාල් එම.එස්.එම අන්සාර් මහතා විසින් පවසා ඇත්තේ තම කාර්යාලයේ විශේෂ කණ්ඩායමක් ඉදිරි කටයුතු සොයා බැලීමට පත් කර ඇති බවයි.
කොන්සාල් ජනරාල්වරයා කියනුයේ මේ ගැන ශ්‍රී ලංකා විදේශ අමාත්‍යාංශය මගින් පවුලේ සාමාජිකයින් දැනුවත් කර ඇති බවයි.මිය ගිය අයගේ මෘත දේහය පිලිබදව ගතයුතු පියවර විදේශ අමාත්‍යංශයේ උපදෙස් අනුව සිදු කිරීමට පියවර ගන්නා බවද කොන්සල් ජනරාල් සදහන් කරයි.
