මහනුවර හන්තාන ප්‍රදේශයේ පෞද්ගලික මානව හා නායකත්ව විද්‍යාපීඨය නමින් පවත්වාගෙන ගිය නේවාසික පාඨමාලාවකට සහභාගි වි සිටි දැරියන් පිරිසක් අපයෝජනය කළ බව කියන සිද්ධියක් සම්බන්ධයෙන් සැකපිට තවත් සැකකරුවකු වන ව්‍යාපාරික නිමල් පීරිස්ගේ අපේක්ෂිත ඇප අයදුම්පත ප්‍රතික්ෂේප මහනුවර මහේස්ත්‍රාත් බුද්ධික ශ්‍රී රාගල මහතා අද (9) ප්‍රතික්ෂේප කළේය.

අදාල ආයතනයේ භාරකරු වූ චන්දිමාල් ගමගේ පසුගියදා නීතිඥයකු මාර්ගයෙන් මහනුවර පොලිස් කාන්තා හා ළමා කාර්යංශයට බාරවු බව පොලිසිය පවසයි.

අපොස සාමාන්‍ය පෙළ විභාගයෙන් අසමත් වු සිසු සිසුවියන්ගේ මානසික තත්වය වර්ධනය කර නැවත විභාගය සඳහා සහභාගි කරවීමට මාස 6 ක නේවාසික පාඨමාලවක් පවත්වන බව කියමින් පුවත්පත්වල පළ කළ දැන්විමකට අනුව මෙම සිසුන් අදාළ ආයතනයට බඳවාගෙන ඇති බවද එහි සිදුවන බව කියන අකටයුතුකම් ඉවසා ගැනිමට නොහැකි වු සිසුවියන් සිවු දෙනකු පසුගිය පළමුවැනිදා අලුයම එම ආයතනයෙන් පැන ගොස් හන්තාන ප්‍රදේශයේ කැලෑවක රැඳී සිට අසල්වැසියකුගේ මාර්ගයෙන් පොලිසියට පැමිණිලි කර ඇතැයි කියති.

මෙහි භාරකරු ලෙස පෙනි සිටි පුද්ගලයා සිසුන්ට දේශන පවත්වා ඇති බවත් වයස 15,16, 17 වන සිසුවියන් 9 දෙනකු ආයතනයේදි හා පිටතදි තමන් ලිංගික හිසාවට ලක්වු බව කියමින් පොලිසියට පැමිණිලි කර ඇති බවත් පොලිසිය පවසයි.

සිද්ධිය සම්බන්ධයෙන් සැකපිට ආදාළ ආයතනයේ පාලිකාව හා අයකැමිවරිය ද සඳුදා (8) අත්අඩංගුවට ගනු ලැබූහ.

චන්දිමාල් ගමගේ නමැති ප්‍රධාන සැකකරු සිය නායකත්ව පුහුණු වැඩසටහන ප්‍රචාරය කිරීම සඳහා යොදාගත් වීඩියෝව පහත දැක්වේ.

ඡායාරූප - චමිල් රූපසිංහ