මධ්‍යම පළාතේ වැසි වනාන්තර කඳු වැටියක් වන සුන්දර හන්තාන ආක්‍රමණශීලි ශාඛයන්ගෙන් සහ ෆයිනස් වගාව හේතුවෙන් දේශීය ශාක වඳ වී ගොස් මුඩු පතනක් බවට පත්ව ඇත. කඳු වැටියෙන් ගලා ආ දිය ඇලි සහ ජල උල්පත් සිඳීයාමේ තර්ජනයකට ලක්ව ඇති බව තේරුම් ගත් පේරාදෙණිය විශ්ව විද්‍යාලයේ “රෝටරැක් සමාජයේ” මෙහෙයවීමෙන් ජල පෝෂක ප්‍රදේශවල ආවේනික දේශීය පලතුරු පැල රෝපණය කැරිණි.
රුක් රෝපණ ව්‍යාපෘතියට කැලණිය , මොරටුව , ජයවර්ධනපුර , පේරාදෙණිය යන විශ්වවිද්‍යාලවල සිසුහු එක්වූහ. අඹ , කොස් , කටුඅනෝදා , ඇබිල්ල වැනි පලතුරු පැල තුන්සීයක් පමණ රැගත් සිසුහු 150ක් පමණ හන්තාන කන්ද තරණය කර පැල සිටුවීම සිදු කළහ.
