(විමුක්ති එස් රුද්‍රිගු සහ යොහාන් භාසුර)
මාලදිවයිනේ හිටපු ජනාධිපති මොහොමඩ් නෂීඩ් මහතා ශ්‍රී ලංකාවට ආධාර ලබාදෙන ලෙස සෞදි අරාබියේ ඔටුන්න හිමි කුමරු මොහොමඩ් බින් සල්මාන් අල් සවුද් හට කළ යෝජනාව අල් සවුද් කුමරු ප්‍රතික්ෂේප කර ඇතැයි ශ්‍රී ලංකා පාර්ලිමේන්තු මන්ත්‍රී හර්ෂ ද සිල්වාගේ ප්‍රකාශය නිවැරදි නොවන බව මාලදිවයිනේ හිටපු ජනාධිපති මොහොමඩ් නෂීඩ් මහතා ප්‍රකාශ කළේය.
මාලදිවයිනේ හිටපු ජනාධිපති මොහොමඩ් නෂීඩ් මහතා සිය ට්විටර් ගිණුමේ සටහනක් තබමින් මේ බව ප්‍රකාශ කළේය.
එම සටහනේ මෙසේ සඳහන් වේ.
"පාර්ලිමේන්තු මන්ත්‍රී හර්ෂද සිල්වා මහතා මගෙ හොඳ මිතුරෙක් අපි නිතරම මුණගැසෙනවා.නමුත් මෙම ප්‍රකාශය නිවැරදි නැහැ.මම විශ්වාස කරනවා ශ්‍රී ලංකාවට උදව් කරන්න රටවල් කිහිපයක් කැමැත්තෙන් ඉන්නේ.ඉදිරියේදී එම සහාය ශ්‍රී ලංකාවට ලැබේවි."
උත්සවයකට එක්වෙමින් පාර්ලිමේන්තු මන්ත්‍රී හර්ෂ ද සිල්වා ඊයේ (13) ප්‍රකාශ කළේ ශ්‍රී ලංකාවට ආධාර ලබාදෙන ලෙස මාලදිවයින් හිටපු ජනාධිපතිවරයා කළ ඉල්ලීම සෞදි අරාබියේ ඔටුන්න හිමි කුමරු මොහොමඩ් බින් සල්මාන් අල් සවුද් ප්‍රතික්ෂේප කර ඇති බවයි.
