විසිරුවාහැර ඇති පළාත් පාලන අයතන සඳහා නැවත පළාත් පාලන මැතිවරණය පවත්වන ලෙස බලකරමින් අඹගමුව ප්‍රාදේශීය සභාවේ හිටපු මන්ත්‍රී හෙලප්‍රිය නන්දරාජ මහතා කළුපටි පැළඳ සභාව ඉදිරිපිට ඔළුවෙන් සිටගෙන විරෝධතාවයක් පැවැත්වීය. විනාඩි 30කට පසු ඔහු නැගිට ගියේය.
හෙලප්‍රිය නන්දරාජ මහතා කියා සිටින්නේ යහපාලන ආණ්ඩුවට දෙපයින් හිටගෙන වාචිකව සහ ලිඛිතව පළාත් පාලන ආයතන මැතිවරණ පවත්වන ලෙස බලකළත් එය සිදු නොකරන නිසා තමන් ඔළුවෙන් සිටගෙන මෙම විරෝධතාවය දක්වන බවයි.
විරෝධතාවයට එම සභාවේ හිටපු මන්ත්‍රී ඩග්ලස් ධර්මකිර්ති මහතාද සහභාගි වි සිටියේය.
