හෙරොයින් මත්කුඩු කිලෝ 110ක් සමග විදේශිකයින් 13 දෙනෙකු දකුණු මුහුදු තීරයේදී අත්අඩංගුවට ගත් බව පොලිස් මාධය ප්‍රකාශක සහකාර පොලිස් අධිකාරී රුවන් ගුණසේකර මහතා කියයි..

ඔවුහු ඉරාන සහ පකිස්තාන ජාතිකයෝ ය.

 පොලිස් මත්ද්‍රව්‍ය කාර්යාංශය, නාවික හමුදාවේ සහාය ඇතිව මෙම වැටලීම සිදු කර තිබේ.

අත්අඩංගුවට ගත් කුඩු ප්‍රවාහනය කළ නැව කොළඹට ගෙන ඒමට නියමිතය.

නැවේ සිටිය දී දස දෙනෙක් ද, අධිවේගී මාර්ගයේ සැප වාහනයකින් යමින් සිටිය දී තවත් පාකිස්තාන ජාතිකයන් තුන් දෙනෙක් දපමුණුවේදී ද අත්අඩංගුවට ගනු ලැබූහ.

මාසයකට පෙර පොලිසියට ලද ඔත්තුවක් අනුව නාවික හමුදාවේද සහායෙන් මෙම වැටලීම සැලසුම් කර ඇති අතර පොලිස් ඔත්තුකරුවන් ගැනුම්කරුවන් ලෙස රඟපා තිබේ.

ඡායාරූප හා වීඩියෝ - ගයාන් අමරසේකර

ඡායාරූප - අතුල දේවප්‍රිය