වර්තමාන බොලිවුඩයේ සුපිරිතම නිළියන් අතර ඉදිරියෙන්ම සිටින්නියක වන අනුෂ්කා ෂර්මා පසුගියදා "කොයිමොයි" වෙබ් අඩවිය සමගින් එක්වූ සංවාදයකදී පවසා තිබුණේ, තමා හොලිවුඩ් සිනමාවට එක්වීමට කිසිවිටකත් කැමැත්තකින් පසු නොවන බවයි.
ඒ සම්බන්ධව වැඩිදුරටත් අදහස් දක්වමින් ඇය පවසා තිබුණේ, තමාට ඇති තරම් බොලිවුඩ් චිත්‍රපට ලැබෙන බවත්, ඒ හරහා බොලිවුඩයේ තමාට හිමි තැන වෙනස් නොවන බවත් ඇය පවසා තිබුණි.
දිපීකා, ප්‍රියංකා හොලිවුඩ් සිනමාවේ මේ වනවිට ජනප්‍රියව සිටියද තමාට ඉන් ගැටලුවක් නොමැති බවත්, ඔවුන්ට වඩා තමාට හොලිවුයට සම්බන්ධ වීමට ආරාධනා ලැබෙන බවත් අනුෂ්කා මෙහිදි වැඩිදුරටත් පවසා ඇත. ජුලි 07 වැනිදා බොලිවුඩයට සමගාමීව ලොවපුරා ප්‍රදර්ශනය වීමට නියමිත අලි අබ්බාස් සෆර්ගේ "සුල්තාන්" චිත්‍රපටයේ ප්‍රධාන නිළි භූමිකාවට පණ පොවන අනුෂ්කා, මේ දිනවල වඩාත් ජනප්‍රිය වී ඇත්තේ ඇය හා ඉන්දීය සුපිරි ක්‍රිකට් ක්‍රීඩක විරාත් කෝලි සමගින් නැවතත් සිය ප්‍රේම සම්බන්ධය පවත්වාගෙන යාම හේතුවෙනි.
