මාස 10 පමණ වයසැති ළදරුවෙකු නීති විරෝධීව ලඟ තබා ගත්තැයි කියන සිද්ධියක් සම්බන්ධයෙන් අඹු සැමි යුවලක් අද (07) අත්අඩංගුවට ගත් බව හෝමාගම පොලිසිය කියයි.
හෝමාගම පිටිපන ප්‍රදේශයේ දරුවෙකු විකිනීමට තැත්කරන බවට බස්නාහිර පළාත් බුද්ධි කොට්ඨාසයට ලැබුණු තොරතුරකට අනූව සිදු කළ පරීක්ෂණයේ දී මොවුන් අත්අඩංගුවට ගත් බව පොලිසිය කියයි.
එම යුවල පවසන්නේ මීට මාස 9 කට පෙර මෙම දරුවා හදා ගානීමට ගත් බවයි. නමුත් ඊට අදාල කිසිඳු ලියවිල්ලක් ඔවුන් සතුව නොතිබූ බවත් දරුවාට උප්පැන්න සහතිකයක් පවා නොමැති බවත් පොලිසිය පවසයි.
මෙම යුවද අද හෝමාගම අධීකරණයට ඉදිරිපත් කිරීමෙන් අනතුරුව පිරිමි පුද්ගලයා ලබන 9 වැනිදා දක්වා රිමාන්ඩ් කරන ලෙසත් කාන්තාව හා ළදරුවා පරිවාස භාරයට පත් කරන ලෙසත් හෝමාගම වැඩබලන මහේස්ත්‍රාත් පද්මසිරි ජයවර්ධන මහතා නියෝග කළේය.
