ෆුල්ෆේස් හෙල්මට් භාවිතය යතුරුපැදිකරුවන්ට සම්පූර්ණයෙන් තහනම් කිරීමට පොලිසිය ගත් තීරණය ක‍්‍රියාත්මකවීම අත්හිටුවමින් නිකුත් කළ අතුරු තහනම් නියෝගය ලබන නොවැම්බර් 17 වැනිදා තෙක් දීර්ඝ කිරීමට අද (3) අභියාචනාධිකරණය තීන්දු කළේය.
අභියාචනාධිකරණ සභාපති විජිත් මළල්ගොඩ සහ විනිසුරු ප‍්‍රීති පද්මන් සූරසේන මහත්වරු හමුවේ නඩුව කැඳවිණි.
ෆුල්ෆේස් හෙල්මට් භාවිතා කිරීම තහනම් කිරිමට පොලීසිය ගෙන ඇති තීන්දුවට එරෙහිව කොළඹ හිටපු නාගරික හදිසි මරණ පරීක්ෂක එඞ්වඞ් අහංගම, වරලත් ගණකාධිකාරී චානක දසනායක, විශ‍්‍රාමික මේජර් මනෝජ් නාලක විසින් මෙම පෙත්සම් ඉදිරිපත් කර තිබිණි.
