තවත් නොබෝ දිනකින් එජාපයේ 70 වැනි සංවත්සරය පැවැත්වෙන බවත් ඒ වෙනුවෙන් ලංකාවේ දේශපාලන පක්ෂයක් ලෙස පළමු වතාවට පරිගණකයෙන් හා ස්මාර්ට් දුරකථනයෙන් මෘදුකාංගයක් හරහා පක්ෂයේ සාමාජිකත්වය ලබාගැනීම හැකි ක්‍රමවේදයක් හඳුන්වාදීමට සූදානම් බවත් රාජ්‍ය ව්‍යවසාය සංවර්ධන අමාත්‍ය කබීර් හෂීම් මහතා අද (21) සිරිකොත පක්ෂ මූලස්ථානයේ පැවැති මාධ්‍ය හමුවකදී පැවසීය.
ආණ්ඩුව ලබාගන්නා ණය විනිවිද භාවයකින් යුතුව ගන්නා බවද පසුගිය කාලයේ ගත් ණය පියවීමට, රජයේ සේවකයන්ගේ වැටුප් වැඩි කිරීමට හා පොදු ජනතාවට සේවය කිරීමට ඒ මුදල් ආයෝජනය කළ බවත් කී ඇමැතිවරයා පසුගිය කාලයේ ගත් ණය ආයෝජනය කළේ සංවර්ධනයට නොව සංදර්ශනයට බවත් කීවේය.
