අනුරාධපුර ශ්‍රී මහා බෝධියේ වාර්ෂික අලුත් සහල් මංගල්‍යයට අද (10) මෛත්‍රිපාල සිරිසේන ජනපතිද එක්විය.
පොළොන්නරුවේ දී කපා පාගා ගත් වී වලින් කෙටූ අග්‍ර බාගය ජනපති එහිදී මහා පාත්‍රයේ තැන්පත් කළේය.
වැදි නායක ඌරුවරිගේ වන්නිල ඇත්තන් ද කෘෂිකර්ම ඇමැති දුමින්ද දිසානායක මහතා ද පැමිණ සිටි මන්ත්‍රීවරුන් එහි වූහ.
වකුගඩු රෝගය ව්‍යාප්ත වීම ගැන දැඩි කනස්සල්ල පළ කළ ජනපති රජරට ගොවියා ඉන් විශේෂයෙන්ම බේරී සිටිය යුතු බවද ඒ සඳහා රජය සෑම පියවරක්ම ගන්නා බවද කියා සිටියේය.
