අධ්‍යාපන අමාත්‍යංශයේ සිටින වැඩක් නොකරන පල්වූ නිලධාරීන් ඉවත් කර ඒ සඳහා වසර දෙක තුනක් සේවය කිරීමට හමුදාවෙන් හා පොලිසියෙන් නිලධාරීන් බඳවාගන්නැයි අධ්‍යාපන ඇමැතිට දැන්වූ බව රනිල් වික්‍රමසිංහ අගමැති කොළඹ රාජකීය විදුහලේ පැවැති උත්සවයකදී පැවසීය.
අධ්‍යාපන ක්ෂේත්‍රයේ මතුව ඇති ගැටළු සහ ඉදිරියේ ක්‍රියාත්මක කළ යුතු වැඩපිළිවෙළ සම්බන්ධයෙන් අධ්‍යාපන ඇමැති, ලේකම් ඇතුළු වගකිවයුතු නිලධාරීන් පිරිසක් සමග සාකච්ඡා කළ බවද අගමැතිවරයා කීවේය.
අධ්‍යාපන අමාත්‍යංශය හා පළාත් සභා ගැටළුවකින් තොරව එක්ව කටයුතු කළ යුතු බවත් මෙම කරුණේදී ව්‍යවස්ථාවේ සඳහන් 13 වැනි සංශෝධනය අකුරටම ඉටු කරන බවත් කී අගමැතිවරයා සෑම දරුවකුටම පාසල් අධ්‍යාපනය වසර 13ක් අනිවාර්ය කරන බවත් වසර 10කින් දළ දේශීය නිෂ්පාදිතය දෙගුණයක් කොට ඉන් 6%ක් අධ්‍යාපනයට වෙන් කරන බවත් කීය.
