ශ්‍රී ලංකා යුද හමුදාව අද යුද හමුදාවක් නොව සාම සාදක හමුදාවක් බව උතුරු පළාත් ආණ්ඩුකාර රෙජිනෝල්ඩි කුරේ මහතා පැවසීය.
යුද හමුදාවේ ශ්‍රම හා මූල්‍ය පරිත්‍යාගයෙන් ඉදි කළ පූනරින් නාලංකටිටි පූනරීන් ශ්‍රී විග්නේෂ්වරා මහා විද්‍යාලයේ නව ගොඩනැගිල්ලක් විවෘත කිරීමේ උත්සවයක ප්‍රධාන ආරාධිතයා ලෙස එක්වෙමින් ඔහු එලෙස කීවේය.
‘‘ජනාධිපතිවරයාගේ නියෝජිතයා හැටියට උතුරේ ජනතාව සමග සමීප මිත්‍ර සබදතාවක් ගොඩනැගීම මගේ යුතුකමයි. ඒ කාර්යයට ඔබ දී ඇත්තේ විශාල සහයෝගයක්. මගේ යුතුකම උතුරෙත් දකුණෙත් දෙමළ සිංහල ජනතාව අතර සමගියක් ගොඩනගා එක්සත් ශ්‍රී ලංකාවක සහෝදරයින් බවට පත්කිරීමයි.
අතීතයේ සිදුවූ සියලුම දැ අමතක කර අනාගතයට පිය නැගිය යුතුයි. පරණ වෛරය ක්‍රෝධය වලින් අතීතය විග්‍රහ කිරීම නතර කරමු.‘‘
