අර්ජුන් මහේන්ද්‍රන් නැවත වරක් ශ්‍රී ලංකා මහ බැංකු අධිපති ධූරයට පත් නොකරන ලෙස ශ්‍රී ලංකා නිදහස් පක්ෂ මධ්‍යම කාරක සභාව ජනපති මෛත්‍රිපාල සිරිසේන මහතාට නිර්දේශ කර ඇතැයි විශේෂ කර්යභාර අමාත්‍ය ආචාර්ය සරත් අමුණුගම මහතා කොළඹ පක්ෂ මූලස්ථානයේ පැවැති මාධ්‍ය හමුවකදී අද (16) පැවසීය.
මහ බැංකු අධිපතිවරයා පිළිබඳ රටේ සියලු පාර්ශවයන් අතර සැකයක් හෙයින් ඔහු නැවතත් මහ බැංකු අධිපති ධූරයට පත් කිරීම සුදුසු නොවන බව අමුණුගම මහතා සඳහන් කළේය.
මේ අතර පෞද්ගලික අංශය සිදුකරන වෛද්‍ය පරීක්ෂණ සඳහා දැනට අය කරන වැට් බද්ද අත්හිටුවන ලෙස රජයේ ආර්ථික කමිටුව නිර්දේශ කර ඇතැයි ද ඉදිරියේ දී සිගරට් ඇතුළු මත්ද්‍රව්‍ය හා මත්පැන් සඳහා ද වැට් බද්ද අයකිරීමට නිර්දේශ කර ඇතැයි ද ඇමැතිවරයා කීය.
එමෙන්ම ඒකාබද්ධ විපක්ෂයේ පිරිසක් ඉදිරියේ දී ආණ්ඩුවට එකතුවනු ඇතැයි ද ඔහු පැවසීය.
