අවතැන් පිරිස් සිටින ස්ථානවල පිසූ ආහාර වැඩිවීම නිසා අපතේ දැමීමට සිදුවී ඇති බවත් තව දුරටත් පිසූ ආහාර සහ වියළි ආහාර රැගෙන නොඑන ලෙස ඉල්ලා සිටින බව පිවිතුරු හෙළ උරුමයේ ලේකම් උදය ගම්මන්පිල මහතා පැවසීය.
ඇඳුම් හා යට ඇඳුම් ද ඖෂධ වර්ගද කාන්තාවන්ට හා දරුවන්ට අවශ්‍ය සනීපාරක්ෂක තුවා, පාසල් නිල ඇඳුම්, පාසල් පොත්පත්, සපත්තු සෙරෙප්පු වැනි දේ අවතැන් ජනතාවට අවශ්‍යව ඇතැයිද පිරිසිදු කිරීමට අවැසි ද්‍රව්‍ය හා උපකරණ වැනි දේ ගැන විශේෂ සැලකිල්ලක් දක්වන්නැයිද ගම්මන්පිල මහතා අද (23) පිටකෝට්ටේ පැවැති මාධ්‍ය හමුවකදී කීවේය.
ඒකාබද්ධ විපක්ෂය පොල් ගැසූ නිසා ජල ගැලීම සිදුවූ බව කියන කථා විහිළු බවත් පොල් ගැසූ මන්ත්‍රීවරු කිසිවිටක රටේවත් ජනතාවගේවත් විනාශය නොපැතූ බවද ඔහු සඳහන් කළේය.
