‘අද භාණ්ඩ වල මිල අහස උසයි. අවුරුදු කාලේට ජනතාවට සහන දෙනවා වෙනුවට ඇමැතිවරුන්ට අවුරුද්ද කන්න තෑගි පත්වීම් දෙනවා‘ යැයි ජනතා විමුක්ති පෙරමුණේ ලේකම් ටිල්වින් සිල්වා මහතා අද (07) බත්තරමුල්ල පැලවත්ත පක්ෂ කාර්යාලයයේ මාධ්‍ය හමුවක දී පැවසීය.

‘මාසයකට දෙවරක් විතර විටින් විට ඇමති මණ්ඩලය වැඩි කිරීමේ කාර්ය ආණ්ඩුව කරගන්න යනවා හිතුමතේ. ඇමැති මණ්ඩලය හරියට කාලගුණය වගේ නිතර වෙනස් වෙනවා. මේ ආණ්ඩුවට ජනතාව දුන්  ජනවරමට එරෙහිව කටයුතු කරනවා. මහින්ද ආණ්ඩුවත් බලය තහවුරු කර ගැනීම සඳහා මේ වගේ දේ කළා. මහින්දගේ ආණ්ඩුව ඇමැති මණ්ඩලය 100 පැන්නා. ඒ නිසා තමන්ගේ බල අරමුණු සදහා රටේ ඇමතිවරුන් වැඩි කරන්න එපා. රටට ඇමැති මණ්ඩලයක් ඕනෑ රට සංවර්ධනය කරන්න. දැන් ඇමැතිවරු 92 යි. 19 ව්‍යවස්ථාවේ 46/1 වගන්තියේ ඇමති මණ්ඩලය 30 යි. ඇමතිවරු හා රාජ්‍ය ඇමතිවරු සමග 40ට වැඩිවෙන්න බැහැ කියා තිබෙනවා. ආණ්ඩුව දැන් 19 ව්‍යවස්ථාවෙනුත් රිංගලා යනවා‘ යැයිද ඔහු පැවසිය.