සියලු බදුවලට විරුද්ධ පිරිස් විරෝධය පළ කිරීමට මෙවර මැයි දිනයේදී කිරුළපන මැයි රැළියට පැමිණෙන්නැයි හිටපු ආර්ථික සංවර්ධන ඇමැති බැසිල් රාජපක්ෂ මහතා අද (25) කරන්දෙණියේ පැවැති ජනහමුවකදී පැවසීය.
‘අත්‍යවශ්‍ය ද්‍රව්‍යවලට බදු ගහන්නෑ කියලා එදත් කිව්වා. අදත් කියනවා. ඒත් මේ අත්‍යවශ්‍ය ද්‍රව්‍ය මොනවද කියලා කියන්නේ නෑ. දැන් අපේ වීරෝදාර රණවිරුවන් අපේ සහෝදර සහෝදරියන් ජීවිත පරිත්‍යාගයෙන් ආරක්ෂා කළ ඒකීය භාවය පිළිබඳ ගැටළුවක් ඇවිත් තිබෙනවා. මොනම ආකාරයෙන්වත් අපේ රටේ ඒකීය භාවයට ස්වෛරීත්වයට හානියක් එනවනම් මේ ආණ්ඩුවට විරෝධය පාන්න කිරුළපනට එන්න. මේ රටේ වෛද්‍යවරු, ඉංජිනේරුවරු, ව්‍යාපාරිකයෝ වගේ කිසිදා මැයි රැලියකට ආවේ නැති පිරිස් රථ පෙළපාළිවලින් කිරුළපනට එනවා‘ යැයි ද ඔහු කීවේය.
