‘ගිය ආණ්ඩුවට වගේම මේ ආණ්ඩුවටත් ආපදා කළමනාකාරණය ගැන නිවැරදි තක්සේරුවක් නැහැ 2016 සදහා ආපදා කළමනාකරණය වෙන්කළ මුදල 2015ට වඩා අඩුකරලා‘ යැයි ජනතා විමුක්ති පෙරමුණේ ප්‍රචාරක ලේකම් විජ්ත හේරත් මහතා අද (24) පැලවත්ත කාර්යාලයේ පැවති මාධ්‍ය හමුවේදී පැවසීය.

‘මේ ආණ්ඩුව ආපදා කළමනාකාරණාය සදහා 2015 වර්ෂයේ ප්‍රාග්ධන වියදම රුපියල් මිලියන 2522 ක් වෙන්කර තිබුණු අතර 2016ට වෙන්කර තිබෙන්නේ 2135යි පුනරාවර්තන වියදම් සදහා 2015ට රුපියල් මිලියන 1543යි. 2016 සඳහා රුපියල් මිලියන 799 යි. අනාගතයේදී මෙවැනි තත්වයක් ඇති නොවීමට ආණ්ඩුව වගබලා ගන්න ඕනෑ කැළණි ගග ඇතුළුව සියලුම ගංගාවල ජල මට්ටම පාලනය කරන්න වාරිමාර්ග දෙපාර්තමේන්තුවට විකල්පයක් තිබිය යුතුයි.‘ යැයිද ඔහු කීවේය.