‘අවුරුදු ගණනක් බලයේ සිටි අයට ඇමැතිකම් නැතිව දැන් ජීවත් වෙන්න අමාරුයි. එනිසා මෙවැනි ඡායා කැබිනට්ටුවක් පිහිටුවීම බලය ලබා ගන්න සිහින මැවීමක් පැමණයි.‘ යැයි වරාය ඇමැති අර්ජුන රණතුංග මහතා පැවසීය.
ඔහු එලෙස කීවේ බණ්ඩාරනායක සම්මන්ත්‍රණ ශාලාවේ පැවැති ප්‍රදර්ශනයක් විවෘත කිරීමෙන් පසු මාධ්‍යයට අදහස් දක්වමිනි.
‘ඒකාබද්ධ විපක්ෂය සිහින මවන එකත් හොඳයි. මොකද මානසික සුවයක් හරි ලබා ගන්න පුළුවන්නේ. ඔවුන් අපේ ආයතනවලට ඇවිත් අපේ ආයතන ගැනත් සොයා බලනවා නම් මමත් හරි සංතෝෂයි. බලලා පුළුවන්නම් ඒ කාලේ හොරකම් කළ මිනිස්සුත් අපට අල්ලලා දෙන්නත.‘
