වගකිවයුතු ඇමැතිවරුන්ගෙන් කොටසක් ජනතාවගේ සිතුම් පැතුම්වලින් ඉවත් වී යම් යම් ප්‍රකාශ කරන බවත් මහින්ද අමරවීර ඇමැති ඉක්මනින් ආණ්ඩුවක් හදන වැඩපිළිවෙළක සහ මතයක හිදිමින් ප්‍රකාශ කරන අතර ශ්‍රී ලංකා නිදහස් පක්ෂයේ බොහෝ ඇමතිවරු එම ක්‍රියාවේ නියැලෙන බවත් එය ඉතා වැරදි ක්‍රියාවක් බවත් සමන් රත්නප්‍රිය මහතා පැවසීය.
‘අවරුදු දෙකක කාලයකට ඇමතිදුර ලබාගත්තේද? ජනාධිපතිවරයා මෙම දෙපාර්ශවය එක්වුණු ආණ්ඩුව හැදුවේ අවුරුදු දෙකකටද ? යන්න ප්‍රශ්න කරන බවත් කී රත්නප්‍රිය මහතා විපක්ෂයේ මුදල් උපයන මන්ත්‍රීවරු සහ සමහර උදවිය ආණ්ඩුවේ ව්‍යුහය වෙනස් කිරීමට යම් යම් වැඩපිළිවෙළවල් ක්‍රියාත්මක කරන බවත් කීවේය.
මහින්ද රාජපක්ෂ මහතා පහුගිය ආණ්ඩුවේ කළ දේවල් කරන්නට ලැස්තිවෙන්නට එපා යයි ආණ්ඩුවේ ව්‍යුහය වෙනස් කිරීමට වෙර දරන අයට කියා සිටින බවද ඔහු සඳහන් කළේය.
පුරවැසි සංවිධාන එකමුතුව මගින් අද (28) සමාජ හා සාමයික කේන්ද්‍රයේදී පැවති මාධ්‍ය හමුවේදී රත්නප්‍රිය මහතා ඒ බව පැවසීය.
