‘යුද්ධය අවසන් වී වසර හතක් ගියද යුද හමුදාව උතුරෙන් ඉවත් වෙලා නැහැ. හමුදාව අපේ ඉඩම් අත්පත් කරගෙන එයාලගේ නිෂ්පාදන වලින් ප්‍රතිලාභ ගන්නවා ඒ නිසා සාමාන්‍ය වැසියන්ගේ ව්‍යාපර ඇනහිටලා. විශාල ජනතාවක් තවමත් අවතැන් කඳවුරුවල ඉන්නවා. මේ තමයි අපි මුහුණ දෙන ප්‍රධාන ගැටලුව බව මම කැනඩා විදේශ අමාත්‍යවරයා දැනුවත් කළා‘ යැයි උතුරු මහ ඇමැති සී.වී.විග්නේෂ්වරන් කැනඩා විදේශ ඇමැති සමග සාකච්ඡාවෙන් පසු කීවේය.
‘ මේ වෙනකොටත් අපිට ෆෙඩරල් විසඳුමක් වෙනුවෙන් අවශ්‍ය දේ ලබා දී තියෙන්නෙ. ෆෙඩරල් ක්‍රමයක් ඉල්ලා සිටින්නේ රට දෙකඩ කිරීමට නොව දෙමළ ජනතාවගේ අයිතිවාසිකම් සුරක්ෂිත කිරීමට බව මම දැනුම් දුන්නා. නමුත් දේශපාලන විසඳුම් ලැබෙන්නේ බහුතර ජනවර්ගයක් සිටින පළාත්වලට පමණයි දෙමළ කතාකරන ජනතාවගෙන් වැඩි හරියක් ඉන්නේ උතුරු නැගෙනහිර ඔවුන්ට වරප්‍රසාද හිමිවිය යුතුයි. නමුත් ඒ දෙවල් ලැබෙන්නේ ඉතාම මන්දගාමීව මේ වන විට වෙනත් පළාත්වල ජනතාව ගෙනල්ල පදිංචි කරවනවා. ඒක අපිට විශාල ගැටලුවක් වෙලා තියෙන්නේ මම ඒ ගැනත් දැනුම් දුන්නා‘ යැයි ද මහ ඇමැති කීය.
