උතුරු නැගෙනහිර ජනවාර්ගික අර්බුදයට ස්ථිර දේශපාලන විසඳුමක් වශයෙන් වෙනම රාජ්‍යයක් ඉල්ලීමට මෙරට නීතියට අනුව අයිතියක් නොමැති බව දෙමළ ජාතික ජනතා පෙරමුණේ නායක ගජේන්ද්‍රකුමාර් පොන්නම්බලම් මහතා සඳහන් කරයි.
ඔහු මේ බව කීවේ යාපනයේ පැවැති මාධ්‍ය හමුවක දී ය.
එක්සත් ශ්‍රී ලංකාවක උතුරු නැගෙනහිර ජනතාවගේ සම අයිතිය තහවුරු කෙරෙන පරිදි වූ විසඳුමක් අවශ්‍ය බවද පොන්නම්බලම් මහතා අවධාරණය කළේය.
තමන් දෙමළ ජාතික සන්ධානයේ හවුල්කාර පක්ෂයක නායකයකුව සිටි කාලයේද එම සන්ධානය ජාතික වාදය අතහැර දේශපාලන වශයෙන් විසඳුම් සෙවීමට තීරණය කිරීම මත එම සන්ධානයෙන් තමන් ඉවත් වූ බව ද ඔහු කීවේය.
