හිටපු රුසියා තානාපති උදයංග වීරතුංග නමැත්තා මහින්ද රාජපක්ෂ මහතාගේ රැකවරණය යටතේ කොහේ හරි සිටින බව එජාප මන්ත්‍රී නලින් බණ්ඩාර මහතා අද සිරිකොත පැවැති මාධ්‍ය හමුවකදී පැවසීය.
ශ්‍රී ලංකන් ගුවන් සමාගමේ මෙවැනි අලාභයක් ගැන කතාකරන්න වෙයි කියා තමන් නොසිතූ බවත් අද වනවිට එම සමාගම රුපියල් කෝටි 46,127ක අලාභයක් ලබන බවත් කී ඔහු උදයංග සම්බන්ධයෙන් බරපතල චෝදනා ඇති බවත් ඔහු අවි ජාවාරම් කළ බවට තොරතුරු ඇති බවත් පැවසීය. මේ සම්බන්ධයෙන් ප්‍රශ්න කිරීමට සිටින ඔහු රාජපක්ෂලාගේ රැකවරණය ලබන බව නලින් බණ්ඩාර මහතා කීවේය.
