‘වසර 68ක් තිස්සේ අසමත් බව ඔප්පු කළ ආර්ථික ක්‍රමය වෙනස් කිරීම හැර වෙන විසඳුමක් ඉතිරි වී නැහැ‘ යැයි ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා අද(28) පැලවත්ත පක්ෂ කර්යාලයේ පැවති මාධ්‍ය හමුවේ දී පැවසීය.
‘මේ ධනපති පාලකයින් අපේ රට පාලනය කරලා ජනතාවට ලබාදුන් දෙයක් නැහැ. එජාපය ශ්‍රීලනිපය වෙන වෙනම පාලනය කරලා ඔවුන් අසමත් බව ඔප්පු වෙමින් තිබෙනවා. ඒ නිසා අපේ රටේ ජනතාව ණයට කන දඩ ගහන බදු වැරදි ආර්ථික ප්‍රතිපත්ති පැත්තකට දාලා නව ආර්ථිකයක් නව සමාජයක් ගොඩනැගීමට වෙනුවෙන් පෙළ ගැහෙන්න ඕනෑ අපේ රටේ සියලුම ක්ෂේත්‍ර නියෝජනය කරන කණ්ඩායම් සිංහල දෙමළ භේදයක් නොමැතිව ඒකරාශී විය යුතුයි‘ යැයි ද ඔහු කීවේය.
