කොටි සංවිධානයට සම්බන්ධ කිසිදු යුද සැමරුමකට ඉඩ නොදෙන බවත් එවැනි දෑ සිදුකරන පුද්ගලයන්ට එරෙහිව නීතිය තදින් ක්‍රියාත්මක කරන්නැයි ත්‍රිවිධ හමුදාවට හා පොලිසියට දන්වා ඇති බවත් ආරක්ෂක රාජ්‍ය ඇමැති රුවන් විජයවර්ධන මහතා පවසයි.
යහපාලන රජයේ පිරිසක් ඝාතනය කිරීමේ සූදානමක් පවතින බව රජයේ කැබිනට් ප්‍රකාශක ඇමැති රාජිත සේනාරත්න මහතා පළ කළ කරුණු සම්බන්ධයෙන් මෙතෙක් බුද්ධි අංශවලට තොරතුරු වාර්තා වී නැති බවද ඒ මහතා කීවේය.
මේ වසරේ රණවිරු සැමරුම මැයි 18 වැනිදා සවස 4ට බත්තරමුල්ල රණවිරු ස්මාරකය අසලදී පැවැත්වෙන බවද ආරක්ෂක රාජ්‍ය ඇමැති සඳහන් කළේය. පසුගිය වසරවල මෙන් හමුදා ප්‍රදර්ශනයක් නොපවත්වා ඒ සඳහා යන මුදල් රණවිරු සුබ සාධනයට යොදවන බවද ඒ මහතා පැවසීය.
