කේ.පී ආරක්ෂා කරන බවට මහින්ද රාජපක්ෂ හිටපු ජනාධිපතිවරයාට චෝදනා කළ රනිල් වික‍්‍රමසිංහ මහතා ඇතුළු පිරිස පැවති ආණ්ඩුව පෙරළා මාස 15 ක් ගතවී ඇතත කේ.පීට අතක්වත් නොතබන්නේ මන්දැයි රත්නපුර දිස්ත‍්‍රික් ශ‍්‍රීලනිප පාර්ලිමේන්තු මන්ත‍්‍රී රංජිත් සොයිසා මහතා ප‍්‍රශ්න කරයි.
කේ.පී මැතිවරණ සටන් පාඨයක් කරගත් ජනතා විමුක්ති පෙරමුණත්, ෆීල්ඩ්මාර්ෂල් සරත් ෆොන්සේකාත් මේ ගැන ජනතාවට පැහැදිළි කළ යුතු යැයි හෙතෙම අවධාරණය කරයි.
ලසන්ත වික‍්‍රමතුංග ඝාතනය සම්බන්ධයෙන් ඇගිල්ල දිගුවී ඇත්තේ කාටදැයි රජය වහාම හෙළි කළ යුතු යැයිද, ඒ සම්බන්ධයෙන් විපක්ෂ නායකව සිටියදී රනිල් වික‍්‍රමසිංහ මහතා කළ ප‍්‍රකාශ ඉදිරියේදී සභාගත කිරීමට ඒකාබද්ධ විපක්ෂය කටයුතු කරන්නේ යැයි ද ‘‘ලංකාදීප’’ ය සමග සම්මුඛ සාකච්ඡාවකට එක්වෙමින් මන්ත‍්‍රීවරයා වැඩිදුරටත් කීය.
