මාර්ග ඉදිකිරිමේ දී සියලුම පළාත් සභා කොන්ත්රාත් පිස්සුවකින් පෙළෙන බවත් වැඩේ හරියට නොකරන බවත් ඇමැතිනී තලතා අතුකෝරල මහත්මිය රත්නපුර ඇලපාත දී කීවාය.
පසුගිය කාලයේ සබරගමු පළාතේ හැඳු පාරවල් අවුරුදු දෙකක්වත් තියාගන්න බැරි ලෙස අබලන් වූයේ නිසි ප‍්‍රමිතියකින් තොරව ඒවා සෑදීම බව කී තලතා අතුකෝරළ ඇමැතිවරිය කොන්ත්රාත් පිස්සුව හැර ජනතාවට ඵලදායි සේවය නොලැබණු බව ද කීවා ය.
සමෘද්ධි නිලධාරින් සහ ප‍්‍රාදේශීය සභා මන්ත‍්‍රීවරු පාරවල් කොන්ත්රාත් ලබාගෙන බාගෙට වැඩ කරන්නට ලැබුණ කාලය අවසන් බවද ඇය කීවා ය. රජය පිළිගත් ආයතනයක හැර දේශපාලනඥයන්ගේ හිතවත්කම් මත කොන්ත්රාත් දුන් කාලය අවසන් බව ද ඇය පැවසුවාය.
