උතුරු නැගෙනහිර ඉදිකිරීමට නියමිත රජයේ නිවාස 65,000ට මෙන්ම යාපනයේ චුන්නාගම් ජල ගැටළුවට මෙතෙක් විසඳුමක් නොලැබීම හා ත්‍රීකුණාමලය සාම්පූර් තාප විදුලි බලාගාරයට ඉදිකිරීමට එරෙහිව යාපනයේ උද්ඝෝෂණයක් පැවත්විණි.
යාපනය බස් නැවතුම්පොළ ඉදිරිපිට පැවති උද්ඝෝෂණය යාපනයේ ස්වේච්ඡා සංවිධාන කිහිපයක් විසින් සංවිධානය කොට තිබූ අතර ඔවුන්ගේ ප්‍රධාන ඉල්ලීම වී තිබුණේ රජය මගින් උතුරු නැගෙනහිර යුද අනාථයින් වෙනුවෙන් ඉදිකිරීමට යෝජිත චීන නිවාස 65000 ක ව්‍යාපෘතිය වහාම නතර කරන ලෙසයි.
ඔවුන් පෙන්වා දුන්නේ චීන නිවාස සියල්ලම පෙරසවි නිමි නිවාස බැවින් එම නිවාස පළාතේ දේශගුණයට, සංස්කෘතියට,හා ආරක්ෂාවට නොගැලපෙන බැවින් චීන නිවාස වෙනුවට ස්ථිර නිවාස දෙන ලෙසයි.
