හිටපු ජනපති මහින්ද රාජපක්ෂ මහතාගේ තායිලන්ත සංචාරය අතරතුර තමා හිටපු ජනපති මුණ ගැසුණු බවත්, එය සතුටක් බවත්, යහපාලන රජයේ පලිගැනීම් නිසා දැනට ලංකාවට පැමිණීමේ අදහසක් නැති බවත් රුසියාවේ හිටපු තානාපති උදයංග වීරතුංග නිවේදනයක් නිකුත් කරමින් කියයි.
තමා යුක්රේනයේ බෙදුම්වාදී කැරලිකරුවන්ට ආයුධ සැපයූ බවට නැගෙන චෝදනාවල සත්‍යතාවක් නැතැයි ද ඔහු සඳහන් කරයි.
උදයංග වීරතුංග සම්බන්ධ පරීක්ෂණ ගැන පසුගිය කැබිනට් රැස්වීමේ දී ද සාකච්ඡා වූ බවත්, ඒ ගැන සොයා බලා ප්‍රකාශයක් කරන බවට අගමැති පොරොන්දු වූ බවත් සෞඛ්‍ය ඇමැති රාජිත සේනාරත්න මහතා බදාදා (27) පැවැති කැබිනට් තීරණ දැනුම් දීමේ මාධ්‍ය සාකච්ඡාවේ දී කීවේය.
උදයංග වීරතුංග අත්අඩංගුවට ගැනීමට තොරතුරු ලබා ගැනීම සඳහා හිටපු ජනපතිගෙන් ප්‍රකාශයක් සටහන් කර ගන්නා ලෙස පාර්ලිමේන්තු මන්ත්‍රී නලීන් බණ්ඩාර මහතා බ්‍රහස්පතින්දා (28) මාධ්‍ය හමුවක් කැඳවමින් බලධාරීන්ගෙන් ඉල්ලා සිටියේය.
වීරතුංග සෙවීමට පොලිසියේ පිරිසක් මීට පෙර විදෙස් ගත වූහ.
(ඡායාරූපය උදයංග වීරතුංග මාධ්‍ය නිවේදනය සමග එවන ලද්දකි.)
