කොටි ත්‍රස්තවාදීන් පරාජය කර යුද ජයග්රහණය ලබාදුන් වීරෝදාර රණවිරුවන් සැමරීමේ ජාතික උත්සවය අද (18) බත්තරමුල්ල පාර්ලිමේන්තු ක්‍රීඩාංගණයේ රණවිරු ස්මාරකය අභියසදී පැවැත්විණි.
ජනපති මෛත්‍රිපාල සිරිසේන හා අගමැති රනිල් වික්‍රමසිංහ යන මහත්වරුන්ගේ ප්‍රධානත්වයෙන් පැවැති රණවිරු සැමරුම් උළෙලට මැති ඇමැතිවරු ඇතුළු පිරිසක් ද එක්ව සිටියහ.
රටට සාමය ලැබී වසර හතක් ගත වෙන අවස්ථාවේ ඒ සාමය ලබාදුන් මාතෘභූමිය වෙනුවෙන් ජීවිත පූජා කළ ශරීර අවයව පූජා කළ ඒ නිසා දැඩි ලෙස අසීරුවට සහ අසරණභාවයට පත් රණවිරුවන් හා ඒ පවුල් වල භාර්යාවන් දරුවන් දෙමව්පියන් ඇතුළු ඒ සියලූදෙනාට ශ‍්‍රී ලංකා ජන රජයේත් මු`ථමහත් ජනතාවගේත් එක් පැත්තකින් ගෞරවයත් තවත් පැත්තකින් කනගාටුවත් තවත් පැත්තකින් ඒ සියලූදෙනාට ජාතියේ ආශිර්වාදයත් පිරිනමන බව ජනපති මෛත්‍රිපාල සිරිසේන මහතා උත්සවය අමතමින් පැවසීය.
‘බොහෝවෙලාවට රජයක් විදියට ගන්නා වූ පශ්චාත් යුධ සමයක ඒ රටේ ස්ථිරසාර සාමය සඳහා නැවත යුද්ධයක් ඇතිවීම වැළැක්වීම සඳහා ගන්නා වූ ක‍්‍රියාමාර්ග ජාතික සංහිඳියා පිළිවෙතක් ක‍්‍රියාත්මක කිරීමේදී කාර්යයේදී ගඩොලින් සිමෙන්තියෙන් යකඩයෙන් වැලි වලින් හෝ වෙනත් භෞතික දේවල් වලින් කිසිසේත් කළ නොහැකියි. ජනතාවගේ සිත් එකට එකතු කිරීම පෑරී තිබූ සිත් එකතු කිරීම වෛර සහගතව තිබූ සිත් එකතු කිරීම අපහසු කාර්යයක්. මම දැක්කා මීට මාස කිහිපයකට පෙර රජයේ දේශපාලන ප‍්‍රතිවාදී අදහස් දරන අය දිවයිනේ ඇතැම් ප‍්‍රදේශවල නගර වල අපේ රජයට විරුද්ධව පෝස්ටර් ගසා තිබුණා මේ ආණ්ඩුව රණවිරු දඩයමක් කරනවා කියලා. මේ ආණ්ඩුව රණවිරු දඩයමක් කරනවයි කියලා පෝස්ටර් ගහපු අයට උපදෙස් දෙමින් පිටිපස්සේ ඉන්න අය යුද්ධය ජයග්රහණය කළ ප‍්‍රධාන යුද්ධය මෙහෙය වූ රණවිරුවා බොරු චෝදනා දාලා හිර ගෙදරට යවලා හිරබත් කන්න හදලා හිරකාරයෙක් ඉන්න ඇඳුම අන්දලා ඒ කළ දේවල් මේ රටේ ජනතාවගේ මතකයේ තිබෙනවා. ඒ නිසා අපට නොයෙක් ආකාරයේ විවේචන තිබෙනවා. ඒ විවේචන අපි ප‍්‍රජාතන්ත‍්‍රවාදී රටක් විදියට ඒවාට සවන් දෙනවා. මීට වසර 07 කට පෙර 2009 මැයි මාසයේ 18 වෙනිදා අපි එක් පැත්තකින් ඉතාම සතුටු වුණා. තවත් පැත්තකින් අපි කනගාටු වුණා. අපි හැම කෙනෙක්ම මේ රටේ ලාංකිකයින් මහ පාරට බැහැලා ජාතික කොඩිය සිංහ කොඩිය අරගෙන අපේ රට රණවිරුවන් නිදහස් කර ගැනීම ගැන මහා ජය ඝෝෂා කරලා ඒ මහා ප‍්‍රීතිය භුක්ති වින්දා. ඒ ප‍්‍රීතිය භුක්ති විඳින කොට ජය ඝෝෂා නගමින් ඒ සතුට ලැබුවා වගේම ජීවිත පරිත්‍යාග කළ දහස් ගණනක් රණවිරුවන් ලක්ෂයකට ආසන්න ජීවිත අහිමි වුණු සිවිල් ජනතාව සිහිපත් වීම නිසා අපිට කනගාටුවක් ඇති වුණා‘ යැයිද ජනපති එහිදී කීවේය.
