දේශන සඳහා සහභාගිත්වය 80% සැලකීම නිසා තමනට විභාග සඳහා සහභාගීවීමට නොහැකිවන බව කියමින් ශී‍්‍ර ලංකා සබරගමුව විශ්වවිද්‍යාලයේ කළමනාකරණ අධ්‍යයන පීඨ සිසුහු විරෝධයක නිරත වූහ.
මේ සම්බන්ධයෙන් ආචාර්ය සංගමය පවසන්නේ ගුණාත්මක භාවයකින් යුත් උපාධි යන් සඳහා පිළිගත් සම්මුතීන් අනුව දේශන සහභාගිත්වය අනිවාර්ය බවයි. සිසුන් පීඨාධිපතිවරයාට සහ ආචාර්යවරුන්ට තර්ජනය කර ඇති බව හා ඒ හේතුවෙන් ආචාර්යවරුන්ට ස්වාධීනව සිය කටයුතු සිදුකිරීමට නොහැකි වාතාවරණයක් උදාවී ඇති බැවින් තමන් අධ්‍යන හා පරිපාලන කටයුතු වලින් ඉවත්වීමට පියවරගෙන ඇති බව ආචාර්ය සංගමය දන්වා සිටියි.
මේ අතර විශ්වවිද්‍යාල පාලන අධිකාරිය මගින් කළමනාකරණ පීඨයේ සියලූම වසරවල සිසුන්ට අද (8) පස්වරු පහට පෙර නේවාසිකාගාරවලින් ඉවත්වන ලෙස දන්වා ඇත.
