රාජ්‍යතාන්ත‍්‍රික සම්බන්ධතා තහවුරු කර ගැනීම සඳහා ‘නන්දි ‘ අලි පැටවා නවසීලන්තයට තෑග්ගක් වශයෙන් යැවීම හෝ ඒ සම්බන්ධ කිසිදු පියවරක් ලබන අගෝස්තු 02 වැනිදා තෙක් නොගන්නා බවට නීතිපතිවරයා අද (13) අභියාචනාධිකරණය හමුවේ එකඟතාවය පළ කළේය.
නීතිපති වෙනුවෙන් පෙනී සිටි නියෝජ්‍ය සොලිසිටර් ජනරාල් අර්ජුන ඔබේස්කර මහතා මේ බව අධිකරණයට දැන්වීය.
වඳවී යන සතුන් නම් කොට සිටින රතු දත්ත පොතටද ඇතුළත් දුර්ලභ ආසියානු අලි පරපුරකට අයත් පස් හැවිරිදි ‘නන්දි‘ නැමැති අලි පැටවා නවසීලන්තයේ ඕක්ලන්ඞ් සත්ව උද්‍යානයට තෑගි කිරීම තහනම් කරන ලෙස ඉල්ලා ගොනු කළ රිට් පෙත්සමක් අද (13) අභියාචනාධිකරණය හමුවේ කැඳවූ අවස්ථාවේදී මෙම එකඟතාවය පළ කරන ලදී.
