විශ්ව විද්‍යාල නවක වදය නැති කිරීමට කාලය පැමිණ ඇති බවත් ඒ වෙනුවෙන් තම සමස්ත ශක්තිය යොදවන බවත් උසස් අධ්‍යාපන රාජ්‍ය අමාත්‍ය මොහාන් ලාල් ග්‍රේරූ රජයේ ප‍්‍රවෘත්ති දෙපාර්තමේන්තුවේ දී අද (12) පැවති මාධ්‍ය හමුවක දී පැවසුවේය.
අමානුෂික ලෙස නවකවදය දෙන්න අයට දැඩි දඬුවම් විශ්ව විද්‍යාල පනතේ ඇතුළත් කර ඇතැයි ද කීවේය.
විශ්ව විද්‍යාල තුළ කමිටු ඇති කිරීමට ඉදිරියේ දී කටයුතු කරන බව කී ගේ‍්‍රරූ මහතා මේ වෙනුවෙන් විශ්ව විද්‍යාල කාර්ය මණ්ඩලයන් වෙත පුහුණුවක් ලබාදුන් බව ද කියා සිටියේය.
ලබන වසරේ සිට විශ්ව විද්‍යාලවල සඳහා අයදුම් කිරීම අන්තර්ජාලය ඔස්සේ පමණක් සිදු කළ යුතු බව කී අමාත්‍යවරයා ඒ සඳහා නැණසල මධ්‍යස්ථාන හා පරිගණක මධ්‍යස්ථාන තුළ නොමිලයේ පහසුකම් සලසන බව ද සඳහන් කළේය.
