ශ්‍රී ලංකා පොලිසියේ ප්‍රතිසංවිධානයකට බ්‍රිතාන්‍ය රජය උදව් කරයි. බත්තරමුල්ලේ වෝටර්ස් එජ් හි ඊට සම්බන්ධ සාකච්ඡාවකි.
පොලිස්පතිකමට තරග කරන තිදෙනාගෙන් කෙනකු වන පූජිත් ජයසුන්දර මහතා එහිදී කථාවක් කළේය.
පොලිස් සාමාජිකයනට බලපාන ප්‍රධාන ප්‍රශ්නය නින්ද අහිමි වීම බව ඔහු එහිදී කීවේය. සැරයන්වරුන් හා කොස්තාපල්වරුන් බරපතල ලෙස ඊට මුහුණ දෙන බව ඔහු කීය. බොහෝ අවස්ථාවලදී ඔවුනට පැය තුනකට වඩා නින්ද නොලැබෙන බවද පැවසීය.
පසුගියදා කොළඹ පැවැති ඔහුද සහභාගී වූ උත්සවයකදී පොලිසියේ බොහෝ දෙනාට නින්ද යෑම සාධාරණ බව පෙන්වන්නට ඔහු උත්සාහ ගත්තේදැයි ඊට සහභාගී වූ පොලිසියේ බොහෝ දෙනා අසන්නට වූහ.
නව පොලිස්පති තරගයට ඉදිරිපත්වී සිටින එම සාකච්ඡාවට පැමිණ සිටි ජ්‍යෙෂ්ඨ නිලධරයකු කියා ඇත්තේ තමාද නින්ද ගිය එම රැස්වීමට පැමිණි බව සඳහන් වූවත් තමාට ඇරැයුමක් පවා නොලැබුණු බවයි.
