ශ්‍රීලනිප නායකත්වයට මෛත්‍රිපාල ජනපති පත්වුණේ මහින්ද රාජපක්ෂ මහතාගේ ද එකඟත්වය අනුව යැයි ඇමැති ලක්ෂ්මන් යාපා අබේවර්ධන මහතා අද (5) කොළඹ පැවැති මාධ්‍ය හමුවකදී පැවසීය.
‘ඒ නායකයා පිළිගන්න බැරි බව කවුරුහරි කියනවානම් ඒ අයට විරුද්ධව විනය පියවරක් ගන්න පුළුවන්. පක්ෂයක විනයක් තියෙන්න ඕන. පක්ෂයට ගරු කරන අය පක්ෂ මූලස්ථානය ළඟ හූ කියන්නේ නෑ. සිරිකොතට හූ තියපු ගල් ගහපු අය අදත් දඬුවම් විඳිනවා. ශ්‍රීලනිප පාක්ෂිකයෝ මේ පක්ෂ මූලස්ථානය ඉදිරිපිට හැසිරීම හෙළා දකිනවා‘ යැයි ද ඇමැතිවරයා කීය.
