‘රටට මේ වේලාවේ පාද යාත්‍රාවක් අවශ්‍යද නැද්ද කියලා ජනතාවට තීන්දු ගන්න පුළුවන්. හැබැයි මේ හදන පාද යාත්‍රාව හදලා තියෙන්නේ මේ රට බලයට ගන්න රට පෙරළන්න නෙමේ. මොකද ව්‍යවස්ථාවෙන් දන්නවා අවුරුදු හතරහමාරක් යනකම් මේ ආණ්ඩුව පෙරළන්න බෑ කියලා. හැබැයි අපිට පැහැදිලිව කියන්න පුලුවන් මේ පාද යාත්‍රාව හදලා තියෙන්නේ එදා බණ්ඩාරනායක මහතා හදපු ශ්‍රී ලංකා නිදහස් පක්ෂය දෙකට කඩන්න‘ යැයි පාර්ලිමේන්තු මන්ත්‍රී නලීන් බණ්ඩාර මහතා අද (27) සිරිකොත පැවති මාධ්‍ය හමුවකදී පැවසීය.
‘ඒ නිසා අපි විශේෂයෙන් කියනවා නුවර ඉඳලා එන මේ පාද යාත්‍රාවේ ශ්‍රී ලංකා නිදහස් පක්ෂයේ නිර්මාතෘ එස්.ඩබ්ලිව්.ආර්.ඩී බණ්ඩාරනායක මැතිතුමාට ගෞරවයක් විදියට පක්ෂය පවත්වාගෙන ගිය සිරිමාවෝ බණ්ඩාරනායක මැතිණියට ගෞරවයක් විදියට ඒ වගේම තවමත් ජීවමානව ඉන්න චන්ද්‍රිකා කුමාරතුංග මැතිණියට ගෞරවයක් විදියට අඩුම ගානේ හොරගොල්ල වලව්ව ඉස්සරහෙන් පෙළපාලි යන්න එපා. මොකද ඒක පක්ෂය හදපු නිර්මාතෘවරුන්ට අගෞරවයක්‘ යැයිද ඔහු කීය.
