ඉන්දියාව සහ ශ්‍රී ලංකාව යා කරමින් තලෙයිමන්නාරමේ සිට පාලමක් ඉදිකිරීමට ඉන්දියා රජය හෝ ශ්‍රී ලංකා රජය කිසිදු සාකච්ඡාවක් පවත්වා නැතැයි මෛත්‍රීපාල සිරිසේන ජනපති පැවසීය.
එවන් අමනෝඥ හා දේශද්‍රෝහි ක්‍රියාවන් රජය කිසිසේත් සිදු නොකරන අතර රජය අප්‍රසාදයට පත් කිරීමට කරන මෙම ප්‍රකාශ තරයේ ප්‍රතික්ෂේප කරන බව ද ජනපති කිවේය.
තලවතුගොඩ, ගනේලන්ද විහාරස්ථානයේ අද (10) පස්වරුවේ පැවති උත්සවයකට එක්වෙමින් ජනපති ඒ බව සඳහන් කළේය.
ආණ්ඩුක්‍රම ව්‍යවස්ථාවේ සඳහන් බෞද්ධාගම පිළිබද ඡේද ඉවත් කරමින් මේ රට අනාගමික රටක් ලෙස ආණ්ඩුක්‍රම ව්‍යවස්ථාවට ඇතුළත් කිරීමට නව රජය සූදානම් වන බවට පටු දේශපාලන අන්තවාදීන් ගෙන යන අසත්‍ය ප්‍රචාර ද තමා තරයේ ප්‍රතික්ෂේප කරන බව සිරිසේන මහතා කීවේය.
