‘තව වසර දෙක තුනකින් රටේ ජනතාවගේ ඇහැට පෙනෙයි කණු උඩ ඉදිවෙන මාර්ග, දුම්රිය මාර්ග ඉදි වෙන හැටි. පසුගිය දිනවල ඒකාබද්ධ විපක්ෂය බදුල්ලෙන් ආණ්ඩුව පෙරලන වැඩපිළිවෙළක් ඇති කළා. ඉතිං ඒ ගැන මට කියන්න තියෙන්නේ පිස්සෝ දැඟළුවට දොස්තරලා කලබල වෙන්නේ නෑ කියන එකයි.‘ යැයි ග්‍රාමීය ආර්ථිකය පිළිබඳ අමාත්‍ය පී.හැරිසන් මහතා අනුරාධපුර නිවාස ව්‍යාපෘතියකට මුල්ගල තැබීමේ උත්සවයකදී පැවසීය.
‘ඒකාබද්ධ විපක්ෂය කියනවා එයාලා එෆ්සීඅයිඩී හා සීඅයිඩී එකට අරගෙන යන්නේ පළිගන්න කියලා. මං තමුන්නාන්සේලාගෙන් අහනවා මේ නිකං ඉන්න මිනිස්සු සීඅයිඩී අරන් යනවද කියලා. මේ අය රෙද්දක් ඇඳගෙනද කියන්නේ එයාලා එෆ්සීඅයිඩී අරගෙන යනවා කියලා. තමන්ගේ හෘද සාක්ෂිය දන්නවනේ පසුගිය කාලයේ එයාලා කරපු වැඩ ගැන. මෙයාලා දැන් කථාකරන්නේ හරියට සිල් ගන්න උපාසකයෝ වගේ. මම කියන්නේ එෆ්සීඅයිඩී එක අද වගේම ඉදිරියටත් ක්‍රියාත්මක වෙන්න ඕනේ කියන එකයි. එතකොට තමයි මේ හොරකම් කරන අය වංචා කරන අය බය වෙන්නේ.එතකොට තමයි රටේ දූෂණය, වංචාව නැතිවෙලා රටේ නියම සංවර්ධනයක් ඇති කරන්න හැකි වෙන්නේ‘ යැයි ද ඇමැතිවරයා කීය.
