මහරගම පිළිකා රෝහලට ‘පෙට් ස්කෑනර්‘ යන්ත‍්‍රයක් මිලදී ගැනීම සඳහා ආරම්භ කරන ලද අරමුදලට මේ වනවිට රුපියල් මිලියන 233කට වැඩි මුදලක් එකතු වී ඇතැයි ඒ සඳහා ප‍්‍රමුඛත්වය ගත් එම්.එස්.එච් මොහොමජඩ් මහතා අද(15) කොළඹ ගලධාරී හෝටලයේ පැවැති මාධ්‍ය හමුවකදී පැවසීය.
යන්ත‍්‍රය මිලදී ගැනීමට අවශ්‍ය මුදල සම්පූර්ණ වුවද ඊට පසුත් එම ගිණුමට බොහෝ පිරිසක් මුදල් බැර කර ඇති බවත් පසුගිය දින දෙකක කාලයේදී ඊට කෝටි තුනක මුදලක් බැර වී ඇතැයි ද ඔහු පැවැසීය.
යන්ත‍්‍රය මිලදී ගැනීමට සැලැසුම් කළ කාලයේදී එහි මිල රුපියල් කෝටි 20කට ආසන්න වූ බවත් දැන් එහි මිල ගණන් වෙනස් වන්නට ඉඩ ඇති බැවින් ඒ පිළිබඳව ද සලකා බලන බව එම වෛද්‍ය හමුවට සහභාගී වූ මහරගම පිළිකා රෝහලේ විශේෂඥ වෛද්‍ය මහේන්ද්‍ර සෝමතිලක මහතා කීවේය.
