මෑත භාගයේ බිහිවූ පොලිස්පතිවරුන් අතරින් ආදර්ශමත් ලෙස සිය තනතුරේ ගෞරවය රැකගෙන කටයුතු කළ පොලිස්පතිවරයෙකු ලෙස එන්.කේ ඉලංගකෝන් මහතා ඉතිහාසයට එක්වන බව ජනාධිපති මෛත්‍රීපාල සිරිසේන මහතා අද (7) ප්‍රකාශ කළේය.

පොලිස්පති එන්.කේ.ඉලංගකෝන් මහතා අද(07) පෙරවරුවේ ජනාධිපති නිලනිවසේ දී ජනාධිපති  හමු වී සිය විශ්‍රාම ගැනීම පිළිබදව නිලවශයෙන් දැනුම් දුන් අවස්ථාවේදී ජනාධිපති මේ බව සඳහන් කළේය.

වසර 5ක පමණ කාලයක් පොලිස්පතිවරයා ලෙස සේවය කළ ඉලංගකෝන් මහතාට මෙහිදි ජනාධිපති  සිය සුබපැතුම් එක්කරමින් ඔහුගේ සේවාව අගය කළේය.

මෙරට 33 වන පොලිස්පතිවරයා ලෙස කටයුතු කළ එන්.කේ ඉලංගකෝන් මහතා ලබන 11 වැනිදා නිලවශයෙන් පොලිස්පති තනතුරෙන් විශ්‍රාම යාමට නියමිතය.