‘පෝට් සිටි ව්‍යාපෘතිය ආරම්භ කළේ රාජපක්ෂ ආණ්ඩුවේ ව්‍යාපෘතියක් ලෙසයි. රනිල් වික්‍රමසිංහ පාර්ලිමේන්තුවේ දී කිව්වා ඔවුන්ගේ පාලනයේදී එය වහාම නතර කරනවා කියලා. නමුත් ඔවුන් දැන් නැවතත් මෙක් ආරම්භ කරන්න කටයුතු යොදා තිබෙනවා‘ යැයි ජනතා විමුක්ති පෙරමුණේ නායක අනුර කුමාර දිසානායක මහතා අද (22) ජවිපෙ කාර්යාලයේ පැවැති මාධ්‍ය හමුවකදී පැවසීය.
‘මේක නතර කරන්න හේතු ගණනාවක් තිබුණා. පරිසරයට විශාල බලපෑමක් වන බව කියා තිබුණා. ජනතා විමුක්ති පෙරමුණේ අපි මේ ව්‍යාපෘතියේ බලපෑම පිළිබඳ ජනතාව දැනුම්වත් කළා. වික්‍රමසිංහ ආණ්ඩුව පැමිණි පසු මේක නතර කළා. නැවත මූල්‍ය නගරයක් ලෙස ආරම්භ කරනවා කිව්වා. නමුත් මූල්‍ය නගරයක් පිළිබඳ ව්‍යාපෘති වාර්තාවේ කිසිදු සැලසුමක් නැහැ‘ යැයි ද ඔහු කීය.
