( රොමේෂ් ධනුෂ්ක සිල්වා )
ජාතික නිදහස් පෙරමුණේ ප්‍රචාරක ලේකම් හිටපු පාර්ලිමේන්තු මන්ත්‍රී මොහොමඩ් මුසම්මිල් මහතා අද (13) පොලිස් මුලස්ථානයට ගොස් පැමිණිල්ලක් ඉදිරිපත් කළේය.
සමස්ත ලංකා මහජන කොංග්‍රසයේ නායක මෙන්ම හිටපු කර්මාන්ත හා වාණිජ අමාත්‍ය රිෂාඩ් බදියුදීන් මහතාට අයත් ඇමෙරිකා එක්සත් ජනපද බැංකු ගිණුමකට ඇමරිකානු ඩොලර් ලක්ෂයක මුදලක් බැර වී ඇතයි කියන සිද්දිය සම්බන්ධයෙන් වහාම විමර්ශනයක් පවත්වා නීතිය ක්‍රියාත්මක කරන්නැයි ඉල්ලා මෙම පැමිණිල්ල ඉදිරිපත් කර ඇත.
ගෙවී ගිය කාලය තුළ රිෂාඩ් බදියුදීන් මහතාට එරෙහිව ජාතික ආරක්ෂාව සම්බන්ධයෙන් ද විවිධ බරපතල චෝදනා එල්ලවී ඇතැයි ද එම නිසා මේ තරම් විශාල මුදලක් ඇමරිකානු බැංකු ගිණුමට බැරවීම බරපතල සැක සහිත බව ද මොහොමඩ් මුසම්මිල් මහතා ඉදිරිපත් කළ පොලිස් පැමිණිල්ලේ සඳහන් වෙයි.
