ජාතික බුද්ධි තොරතුරු සේවා බිඳ වැටී ඇති බැවින් සැඟවූ ආයුද රිසේ සේ තැන තැන ගෙන යන්නට එළියට ගනිමින් සිටින බව පෙනෙන බව ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ මහතා අද(31) ජාතික නිදහස් පෙරමුණු කාර්යාලයේ පැවැති මාධ්‍ය හමුවකදී පැවසීය.
බරපතල ගණයේ ආයුධ හමුවී තිබියදීත් පරණ බඩු වගයක් යැයි ආරක්ෂක ලේකම්වරයා කරන ප්‍රකාශ පිළිගත හැකි දැයි වීරවංශ මහතා ප්‍රශ්න කළේය.
ගිරිතලේ මූලික කොටගෙන නැගෙනහිර පළාත පුරා විහිද තිබූ බුද්ධි තොරතුරු බළකාය වත්මන් ආණ්ඩුව මගින් විනාශ කළේ එහි දක්ෂ නිලධාරීන් නව දෙනකු නිකරුණේ සාක්කි නැතිව සිරගත කර තබමින් යැයිද ඔහු පැවසීය.
ආයුධවලට පරණ බඩු යැයි කියන වත්මන් ආරක්ෂක ලේකම්වරයා යුද්ධය සමයේ ආරක්ෂක ලේකම්ව නොසිටියේ ජාතියේ වාසනාවට යැයිද වීරවංශ මහතා කීවේය.
