පසුගිය රජයේ දූෂණ අක්‍රමිකතා සෙවීම සඳහා පත් කැරුණු ආයතනවලට බාලගිරි දෝෂය වැළඳී ඇතැයි දූෂණ විරෝධී හඬ සංවිධානයේ කැඳවුම්කරු වසන්ත සමරසිංහ මහතා කොළඹදී පැවසීය.

‘‘ජනතාව 2015 ජනවාරි අට වැනි දා දුන් ජනවරමින් බලාපොරොත්තු වුණේ මේ රටේ මහජන දේපොළ අයථා ලෙස භාවිතා කළ පුද්ගලයන්ට විරුද්ධව කටයුතු කරයි කියලයි.

දූෂණ විරෝධී හඬ ලෙස අපත් මේ රජය අලුත් ගමනක් යයි කියා බලාපොරොත්තු වුණා.

පසුගිය රජය ගෙන ගිය පවුල් පාලනයම රනිල්-මෛත්‍රී හවුලත් ගෙන යනවා. හිටපු ආණ්ඩුවේ මහජන දේපොළ කොල්ල කාපු අයම මේ ආණ්ඩුවෙත් තනතුරු හොබවනවා. ඒ ආණ්ඩුවේ අය මේ ආණ්ඩුවට ආවම දූෂිතයො නොවෙන්නේ කොහොමද?

මේ රජයට පත් වූ පසු අපි අදාළ ආයතනවලට පැමිණිලි 180ක් බාර දී තිබෙනවා. ‘‘