මහින්ද රාජපක්ෂ මහතාගේ සොහොයුරු හිටපු ආර්ථික සංවර්ධන ඇමැති බැසිල් රාජපක්ෂ අසල්වැසි රාජ්‍යයක සහායෙන් යූඇන්පිය වෙනුවෙන් ශ්‍රී ලංකා නිදහස් පක්ෂය බෙදා වෙන් කිරීමේ කුමන්ත්‍රණයේ හවුල්කරුවා වී සිටිතියි ක්‍රීඩා ඇමැති දයාසිරි ජයසේකර මහතා ඩාලි පාරේ ශ්‍රීලනිප මූලස්ථානයේදී අද (29) ප්‍රකාශ කළේය.
‘අපි මහින්ද රාජපක්ෂට ආදරෙයි. බැසිල්ගේ කුමන්ත්‍රණවලට අහුවෙන්න එපා යැයි ඔහුට කියනවා. ඔහු ශ්‍රී ලංකා නිදහස් පක්ෂයේ ගාලු රැලියට ආවොත් මම ඇමැතිකමින් ඉල්ලා අස්වෙනවා. මම ඒ අභියෝගය ඔහුට කරනවා. ගාමිණී දිසානායක මහතා කාලෙත් බැසිල් රාජපක්ෂ එක්සත් ජාතික පක්ෂය බලයට ගෙන ඒමට වැඩ කළා. ඔහු දැන් කරන්නෙත් ඒ දේමයි. ඔහු සල්ලි බෙද බෙදා ශ්‍රීලනිපය දෙකට කඩනවා.‘ යැයිද ඇමැතිවරයා කීය.
