හිටපු ජනපති මහින්ද රාජපක්ෂගේ ආරක්ෂාවට විශ්‍රාම ගිය කමාන්ඩෝ භටයන් 50ක් පමණ බඳවා ගැනීමට සූදානම් බවත් ඒ සඳහා බොහෝ පිරිසක් කැමැත්ත පළ කර ඇති බවත් පැවිදි හඬ සංවිධානයේ මුරුත්තෙට්ටුවේ ආනන්ද හිමියෝ අද නාරාහේන්පිට අභයාරාමයේ පැවැති මාධ්‍ය හමුවකදී පැවසූහ.

දැනට ඒ සඳහා සම්මුඛ පරීක්ෂණද ආරම්භ කර ඇති බවත් සිව්දෙනකු මේ වනවිට බඳවාගෙන ඇති බවත් ඒ හිමියෝ කීහ.

තමාට මහින්ද ආරක්ෂා කිරීමේ වැඩපිළිවෙළින් ඉවත් වන්නැයි බල කරමින් නිර්නාමික දුරකථන ඇමැතුම්ද ලිපිද ලැබුණු බවත් මර්ණ තර්ජන ද එල්ලවී ඇති බවත් ආනන්ද හිමියෝ පැවසූහ.