ඒකාබද්ධ විපක්ෂය සම්බන්ධයෙන් කළ මාධ්‍ය නිවේදනය හේතුවෙන් මාධ්‍ය ලේකම්වරයා ඉල්ලා අස්විය යුතු බව පාර්ලිමේන්තු මන්ත්‍රී දිනේෂ් ගුණවර්ධන මහතා අද (29) බොරැල්ලේ පැවැති මාධ්‍ය හමුවකදී පැවසීය.
‘මාධ්‍ය ලේකම් ඉල්ලා අස්විය යුතු බව ඒකාබද්ධ විපක්ෂය පැහැදිලිව කියනවා. නැත්නම් ඉල්ලා අස්වී යන්නට සිදුවන පරිදි ඉදිරියේදී මැයි රැලියෙන් පසු පියවර ගන්නවා. සදාචාරාත්මකව දැන්ම ඉල්ලා අස්වී ගෙදර යන එක හොඳයි. මේ අද එන හෙට යන ලේකම්වරුන්ට ඕන විදියට රටේ නීතිය උල්ලංඝනය කරන්න බෑ‘ යැයි ද ඒ මහතා කීවේය.
