මැරෙන අපට පක්ෂ බේද අවශ්‍ය නැතැයි ගම්පහ දිස්ත්‍රික් එක්සත් ජාතික පක්ෂ පාර්ලිමේන්තු මන්ත්‍රී අජිත් මාන්නප්පෙරුම මහතා පැවසීය.
ප්‍රජාතන්ත්‍රවාදී පක්ෂයේ පළාත් සභා මන්ත්‍රි ඉන්දික බණ්ඩාර මහතාගේ ප්‍රතිපාදන මත පහළයාගොඩ අවමංගල්‍යාධාර සමිතියකට භාණ්ඩ බෙදා දීමේ වැඩසටහනක ප්‍රධාන ආරාධිතයා ලෙස සහභාගී වෙමින් මන්ත්‍රීවරයා එලෙස පැවසීය.
මන්ත්‍රීවරයා මෙසේ ද කීවේය.
‘‘ ජනතාවට රටේ බලය දෙන්න ඕනෑ. රට පාලනය කරන්න ඕනෑ ජනතාවයි. ඒ සඳහා ගමේ සමිති සමාගම්වලට බලය ලබා දිය යුතුයි. තීරණ ගත යුත්තේ ජනතාවයි. දැනට පවතින ක්‍රමය වෙසන් කළ යුතුයි. ජනතාවට කතා කරන්න අවස්ධාව දෙන්න ඕනෑ. මෙතෙක් කාලයක් ජනතාවට ඒ අවස්ථාව ලැබුනේ නෑ. ඒ අවස්ථාව ලබා දෙන්න අපි සූදානම්. දේශපාලන වශයෙන් කුල වශයෙන් බෙදෙන්න ඕනෑ නෑ.‘‘
